اتنين معتادين يسكروا مع بعض .. واحد وصى التاني:
ــ لما أموت اشرب لي الكاس بتاعي كل ما تروح البار ..
و مات الرجل ، وبعد عدة أيام .. الثاني راح للبار وطلب كاسين ..
الجرسون قاله :
ــ بس انت لوحدك ؟!!
فشرح له الموضوع . واصبح كل يوم يشرب كاسين ..
و في يوم طلب كاس واحد.. سأله الجرسون :
ــ إيه الحكاية ؟ ليه واحد بس النهارده ؟!!
قاله:
ــ أصل أنا بطلت أشرب !!!
واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح...
مراته فتحت الدولاب لقت 20 الف جنيه.. وبيضتين!!!
لما رجع سألته :
ــ ايه حكاية البيضتين دول؟
قالها :
ــ بصراحه... كنت كل ما أخونك مرة أحط بيضة في الدولاب...
الست قالت ـ فى سرها ـ عشرين سنه جواز ومرتين خيانة بس... مش مهم...
فسألته :
ــ طب والعشرين الف جنيه ؟
قالها :
ــ ما انا كنت كل ما أجمع كرتونه بيض أروح أبيعها .
اتنين مساطيل ، واحد سأل التاني :
ــ هو النهارده السبت و لا الحد ؟؟
قاله :
ــ الاتنين . .
قاله :
ــ ماشاء الله هما جم سوا .
ــ كلبك ده نوعه أيه ؟
ــ بوليسي .
ــ لكن مش باين عليه ؟
ــ أيوه أصله فى مهمة و متنكر .
مسطول بيسأل التانى :
ــ تتوقع الجمعة يوافق آخر الشهر ؟
رد عليه :
ــ أفتكر لو ضغطنا عليه يمكن يوافق .
ــ مين اكتر انسان صابر في الدنيا ؟؟؟؟؟
ــ صعيدي مستني روبي علي قناه اقرأ .
صعيدي جزمته اتقطعت خيطها ، وبعد أسبوع لقاها كويسه . . فك
الخياطة .
إيه قمة الأدب ؟
ــ إنك تخبط على باب التلاجه قبل ما تفتحه .
و إيه قمة العجب ؟
ــ إن حد يفتح لك باب الثلاجة من جوه .
